زنجبار کے ورثے کا تحفظ (فوٹو بلاگ)

تنزانیہ کے ساحل کے قریب واقع زنجبار کا جزیرہ سواحلی فنِ تعمیر کی مثالوں سے بھرا ہوا ہے

ایک عرصے تک نظرانداز کیے جانے کی وجہ سے بہت سی عمارتیں ٹوٹ پھوٹ گئی ہیں

اب مقامی ماہرین روایتی مہارت سے ان عمارتوں کو بحال کرنے کے عمل میں مصروف ہیں۔

سٹون ٹاؤن زنجبار کے دارالحکومت کا تاریخی علاقہ ہے جسے یونیسکو نے سنہ 2000 میں عالمی ورثے میں شامل کیا تھا

تاہم مٹونی پیلس جیسی اس کی عمارتیں بڑھتی ہوئی آبادی اور ٹریفک اور جزیرے کی مرطوب آب و ہوا کی وجہ سے متاثر ہوئی ہیں

مرمت کے لیے روایتی ریت اور چونے کے پتھر کی جگہ کنکریٹ کے استعمال سے بھی عمارتوں کی خوبصورتی متاثر ہوئی ہے

زنجبار کے ہیریٹج جاب کریئیشن پراجیکٹ کے تحت طلبہ کو ترکھان اور راج مستری کا کام سکھایا گیا ہے تاکہ وہ بحالی کے عمل کا حصہ بن سکیں

ان طلبہ کے خیال میں اس تربیت سے نہ صرف انھیں تنخواہ ملے گی بلکہ ان کی زندگی بھی بہتر ہوگی

ان کے خیال میں یہ منصوبہ زنجبار کی ثقافت کے تحفظ اور شہر کے قدیم علاقے کی بحالی میں کلیدی کردار ادا کر سکتا ہے

چونے کے ہتھر کی قدیم عمارتوں اور کنکریٹ سے بنی جدید عمارتوں کے درمیان سٹون ٹاؤن کی سکائی لائن کا مستقبل محفوظ ہوتا دکھائی دے رہا ہے: تصاویر اوریلی میریئر ڈی یوننویل