دو بھائی بہت شوقین مزاج شکاری سوکھے کیچڑ دریا کنارے بور ہوئے بیٹھے تھے
ایک خوشامدی نے کہا، "صاحب جی یہ چھوڑیں کوئی موڈ شوڈ ہو تو بڑا زبردست شکار کراؤں”
بڑا بھائی، "اوئے اب برف میں مروانے نہ لے کے چل پڑنا جیسے مارخور مارنے لے گیا تھا پیسے بھی گئے اور سردی سے مرے الگ”
چھوٹا بھائی، "اچھا بتا پر نیا آئیڈیا ہو”
خوشامدی، "ارے جناب نیا نکور”
بڑا بھائی "پر کدھر؟ بلوچستان، پنجاب، سندھ، خیبر پختونخواہ؟”
خوشامدی، "سارا پاکستان اپنا جدھر مرضی ہو، پر رقم لگے گی ، زیادہ نہیں، مار خور جتنی، وہ بھی اگر پکڑے گئے، نہیں تو کارتوس بس”
چھوٹا بھائی، "کس جانور کا شکار؟”
خوشامدی، "بندے کا”
سب سامان اٹھاتے ہیں اور خوشی خوشی چل پڑتے ہیں، آسان اور سستے شکار کی تلاش میں۔
