پیپلز پارٹی شیخوپورہ کے مرحوم رہنما سید حسن جعفری کے واہ کینٹ میں مقیم چھوٹے بھائی اور ہمارے عزیز دوست سید رضا جعفری کو آج شام ساڑھے چھ بجے کے قریب واہ کینٹ میں تکفیری دہشت گردوں نے اس وقت شہید کردیا جب وہ امام بارگاہ قصر شبیرؑ میں منعقدہ سالانہ مجلس عزا اور جلوس عزاداری کے اختتام پذیر ہونے کے بعد امام بارگاہ سے اپنے گھر جارہے تھے ۔ مقامی پولیس شیعہ ٹارگٹ کلنگ کے اس واضع کیس کو خراب کرنے کی کوششوں میں مصروف ہے۔ شہید رضا جعفری امام بارگاہ قصر شبیرؑ واہ کینٹ کی انتظامیہ کے رکن تھے ، چند سال قبل ان کے بہنوئی کو بھی اسی مقام پر لشکر جھنگوی کے دہشت گردوں نے شہید کردیا تھا ۔ اللہ تعالیٰ ان کے خاندان کو صبرجمیل عطا فرمائے آمین
یاد رہے کہ چند روز قبل کراچی میں خواتین کی مجلس عزا کے موقع پر بھی کالعدم تنظیم کے دہشگردوں نے فائرنگ کر کے پانچ افراد کو شہید کر دیا تھا۔ حکومت شیعہ کلنگ کی اس لہر پر قابو پانے میں مکمل بے بس نظر آ رہی ہے۔
(حیدر جاوید سید)
