اسلام آباد: دہشت گردی کے خطرے کے پیشِ نظر حکومت نے 9 اور 10 محرم الحرام کو ملک بھر میں موبائل سروس بند رکھنے کا فیصلہ کر لیاہے۔
تفصیلات کے مطابق وفاقی حکومت نے سیکیورٹی خدشات کو مدِ نظر رکھتے ہوئے ملک بھر میں 9 اور 10محرم الحرام کو موبائل فون سروس بند رکھنے کا فیصلہ کیا ہے۔
ذرائع کے مطابق یہ فیصلہ صوبائی حکومتوں اور سیکیورٹی اداروں کی درخواست پر کیا گیا ہے۔ مزید اطلاعات کے مطابق موبائل سروس جلوسِ عزا کے روٹس پر بند رہے گی اور جلوسِ عزا کےاختتام پر موبائل فون سروس بحال کر دی جائے گی۔
