مائیکروسافٹ نے اعلان کیا ہے کہ وہ اگست 2025 سے اپنے صارفین کے اکاؤنٹس میں پاس ورڈز کا استعمال مکمل طور پر ختم کر دے گا۔ مائیکروسافٹ پاس ورڈز کا خاتمہ کرتے ہوئے اب ایک محفوظ اور جدید متبادل پاس کیز (Passkeys) متعارف کرا رہا ہے، جو صارفین کے لیے لاگ ان کا نیا طریقہ ہوگا۔ کمپنی کے شیڈول کے مطابق، جون 2025 سے مائیکروسافٹ Authenticator ایپ میں نئے پاس ورڈز شامل نہیں کیے جا سکیں گے۔ جولائی میں آٹو فل (Autofill) فیچر بند کر دیا جائے گا، اور یکم اگست 2025 سے تمام اسٹورڈ پاس ورڈز صارفین کی رسائی سے ہٹا دیے جائیں گے۔
مائیکروسافٹ پاس ورڈز کا خاتمہ اس بنا پر کیا جا رہا ہے کہ صارفین کی اکثریت کمزور یا بار بار استعمال ہونے والے پاس ورڈز رکھتی ہے، جو ہیکنگ اور ڈیٹا چوری کے خطرات بڑھا دیتے ہیں۔ اس کے جواب میں، کمپنی پاس کیز کا نظام نافذ کر رہی ہے، جو بایومیٹرک ڈیٹا (فنگر پرنٹ، فیس آئی ڈی) یا پن کوڈ کے ذریعے کام کرتا ہے اور کسی ویب سرور پر محفوظ نہیں ہوتا۔
مائیکروسافٹ کا کہنا ہے کہ پاس کیز:
-
ہیکرز کے حملوں سے بہتر تحفظ دیتی ہیں
-
پاس ورڈ منیجرز کی ضرورت کو ختم کرتی ہیں
-
لاگ ان کو تیز، محفوظ اور آسان بناتی ہیں
Authenticator ایپ میں پاس کیز کے لیے ایک نیا سیکشن بھی شامل کر دیا گیا ہے۔ صارفین وہاں سے اپنی پاس کیز Passkey بنا سکتے ہیں۔ جو صارفین یہ ایپ استعمال نہیں کرتے، انہیں ای میل یا دیگر ذرائع سے رہنمائی فراہم کی جائے گی۔
البتہ، ماہرین کا کہنا ہے کہ اگر وہ موبائل گم ہو جائے جس میں پاس کی اسٹور ہے، تو اکاؤنٹ کی بحالی کے لیے کچھ مشکلات پیش آ سکتی ہیں۔ تاہم کمپنی کا دعویٰ ہے کہ اس کے لیے بھی متبادل نظام تیار کیا جا رہا ہے۔ ٹیکنالوجی ماہرین کے مطابق، مائیکروسافٹ پاس ورڈز کا خاتمہ محض ایک حفاظتی قدم نہیں بلکہ ایک بڑی تبدیلی ہے، جو مستقبل میں آن لائن اکاؤنٹس کو پاس ورڈ لیس بنانے کی عالمی مہم کا حصہ بن سکتی ہے۔
