کچھ عرصہ قبل سعودی عرب کی قیادت میں ایک کثیر ملکی اسلامی دفاعی اتحاد کے قیام کا اعلان کیا گیا۔ اس اتحاد کے ڈھیلے ڈھالے خدوخال دیکھ کر نوابزادہ نصراللہ خان کی یاد آئی۔ شخصی اور سیاسی آمریت کے خلاف مرحوم نے ایسے کئی سیاسی محاذ اور مورچے بنائے جن کے باقاعدہ دفتر بن سکے اور نہ منشور۔ ایسے اتحادوں میں )یک رکنی( سیاسی جماعتوں کی کثیر تعداد میں شمولیت ہمیشہ ان کا امتیاز رہا۔ اسلامی دفاعی اتحاد کے نام اور اس میں غیر موجود ممالک سے ایک اور شخصیت مرحوم پیر پگاڑا صاحب بھی یاد آئے جنہوں نے متحدہ مسلم لیگ بناتے ہوئے ہمیشہ ن لیگ کی شمولیت کو غیر ضروری سمجھا )یا متحدہ لیگ اسی کے خلاف بنائی(۔ اس اتحاد میں پاکستان کی حیثیت پر گفتگو کرتے ہوئے تحریک انصاف اور شیخ رشید کا تعلق ذہن میں آ رہا ہے شاید جس کی وضاحت کی بھی ضرورت نہیں۔
احباب، آج پاکستانی عوام کی پسماندگی کی اصل وجہ سمجھ آ رہی ہے کہ ہم نے ایسے ہیروں کی ہمیشہ ناقدری کی جن کی تقلید آج دسیوں مسلم ممالک کر رہے ہیں۔
مصلوب واسطی انجینئرنگ کے شعبہ سے وابستہ ہیں، بحیثیت بلاگر معاشرتی ناہمواریوں اور رویوں کے ناقد ہیں۔
