تبریز: ایران کے مختلف علاقوں پر اسرائیلی حملے، تبریز ریفائنری کے قریب دھماکہ
ایرانی میڈیا رپورٹس کے مطابق اسرائیل نے ایران کے شمال مغربی شہر تبریز میں واقع ریفائنری کے قریب فضائی حملہ کیا ہے، جس کے نتیجے میں علاقے میں دھوئیں کے بادل دیکھے گئے۔ مزید یہ کہ ایران کے مغربی حصے میں تین مختلف مقامات پر بھی زوردار دھماکے ہوئے، جنہیں میزائل حملے قرار دیا جا رہا ہے۔ ابتدائی اطلاعات کے مطابق ان حملوں کے نتیجے میں جانی و مالی نقصان کا خدشہ ہے، تاہم سرکاری ذرائع سے ابھی تک تفصیلات جاری نہیں کی گئیں۔
#BREAKING
Smoke rises in the sky over Tabriz, northwestern Iran following an Israeli strike
pic.twitter.com/Zm3dCfDPpr— Tehran Times (@TehranTimes79)
June 14, 2025
یاد رہے اسرائیل نے ایران پر حملے کر کے اس کے اہم مقامات کو نشانے پر رکھا۔ اسرائیل نے اپنے ٹارگٹ ایران کی ملکی سالمیت و اہمیت کے حامل مقامات کو تباہ کر کے ایران کو ابتداء میں ہی بے تحاشا نقصان پہنچانا شروع کیا تاکہ ایران جوابی حملے نہ کر سکے۔ تبریز ریفائنری بھی اسی سلسلے میں نشانہ بنی۔ ایران کے متعدد میڈیا ہاؤسز نے اسرائیل کے ان کامیاب حملوں کی خبریں شائع کیں۔
ایران نے تبریز آئل ریفائنری اور دوسرے حساس مقامات پر حملوں کے جواب میں اسرائیل پر بیلسٹک میزائل داغ کر ان کے ایسے ہی حساس مقامات کو نشانہ بنا کر جواب دیا۔ لیکن بہت سے میزائل انٹرسپٹ ہو گئے۔
