بجٹ 2025-26 میں وفاقی حکومت نے تنخواہ پر انکم ٹیکس کی سلیبز میں ردوبدل کی تجویز دی ہے۔

ان تجاویز کی بنا پر اب آپ کی تنخواہ پر کتنا ٹیکس کٹے گا اس کے لیے قلم کار کی جانب سے بنایا گیا ٹیکس کیلکولیٹر استعمال کیجیے۔

بجٹ میں سالانہ تنخواہ 6 لاکھ تک ٹیکس صفر ہے۔ 6 لاکھ سے بارہ لاکھ تک تنخواہ کی صورت میں بجٹ میں
5 فیصد سے کم کر کے 2.5 فیصد ٹیکس کی تجویز دی گئی تھی لیکن قائمہ کمیٹی خزانہ نے اسے مزید کم کر کے 1 فیصد کر دیا ہے۔

ان تجاویز کے بعد ٹیکس کی مختلف سلیبز پر ٹیکس کی شرح کچھ اس طرح ہے:

1. سالانہ چھ لاکھ سے لے کر 12 لاکھ روپے تک آمدن رکھنے والے افراد پر چھ لاکھ سے زائد آمدن پر 1 فیصد ٹیکس ہوگا۔
2. سالانہ 12لاکھ سے زیادہ اور 22 لاکھ سے کم آمدن رکھنے والے افراد کے لیے 12لاکھ سے اوپر آمدن پر 11فیصد اور 6 ہزار روپے فکسڈ ٹیکس لگےگا۔
3. سالانہ 22 لاکھ سے زیادہ اور32لاکھ روپے سے کم آمدن پر 22لاکھ سے اوپر رقم پر 23 فیصد ایک لاکھ16 ہزار فکس ٹیکس ہوگا۔
4. سالانہ 32 لاکھ روپے سے 41 لاکھ روپے تک آمدن پر 32 لاکھ سے زائد آمدن پر 30 فیصد اور 3 لاکھ 46 ہزار فکسڈ ٹیکس لگانے کی تجویز دی گئی ہے۔
5. 41 لاکھ سے زائد تنخواہ والے افراد کے لیے 41 لاکھ سے زائد آمدن پر 35 فیصد اور 6 لاکھ 16 ہزار روپے فکسڈ ٹیکس کی تجویز ہے۔