ٹی وی چینلز کے بعد اب ملک بھر میں فیس بک، ٹوئٹر اور یوٹیوب بھی بند

قلم کار (مانیٹرنگ ڈیسک) ملک بھر میں وزیراعظم شاہد خاقان عباسی کی پیمرا کو ہدایت پر تمام نیوز چینلز کو آف ائیر کر دیا گیا اور اس کے بعد براؤزر پر فیس بک، ٹوئٹر اور یوٹیوب پر رسائی بھی ختم کر دی گئی۔ اسلام آباد میں تحریک لبیک یارسول اللہ ﷺ کے کارکنوں کی جانب سے دئے گئے احتجاجی دھرنے پر آج صبح فورسز کا آپریشن شروع کیا گیا۔ جس کے باعث فیض آباد میں حالات سنگین ہو گئے۔ اس آپریشن کے شروع ہونے کے بعد ملک بھر میں تحریک لبیک یارسول اللہ ﷺ کے کارکن سڑکوں پر نکل آئے اور مختلف شہروں میں مظاہرے شروع کر دیے۔ اس کے بعد حکومت نے پیمرا کو ہدایت کی کہ تمام ٹی وی چینلز کو اف ائیر کر دیا جائے۔ عوام کی ایک بڑی تعداد فیس بک ، ٹوئٹر اور یوٹیوب کی لائیو سروس کی وجہ سے حالات سے باخبر ہو رہی تھی۔ لیکن پھر فیس بک ، ٹوئٹر اور یوٹیوب کو بھی بند کر دیا گیا ہے۔