ایک مہینے سے پاپا سے ڈانٹ کھا رہی ہوں اپنی کھانسی کی وجہ سے۔ کبھی کبھی کھانستے کھانستے رک جاتی ہوں کہیں ڈانٹ نہ پڑ جائے۔ پاپا کا کہنا تھا مجھے ڈاکٹر ماموں سے دوائی لینی چاہیے۔ اور میں اس کام کو ٹال رہی تھی کیونکہ مجھے داوئی کھانا سخت ناپسند ہے۔
بس آج پھر جو میں کھانسی تو پاپا کے بولنے سے پہلے میں نے جلدی سے کہا کہ میں میڈیسن لے چکی ہوں۔ لیکن پھر بھی ڈانٹ پڑ گئی کہ میں ٹھیک کیوں نہیں ہو رہی۔ (اب اندر کی کہانی پاپا تو جانتے نہیں کہ بنت زہرا دوائی ٹھیک سے نہیں لیتی)۔ لیکن میرے کھانسنے کے کچھ دیر بعد ہی پاپا بھی کھانسنے لگے تو میں نے بولا۔ دیکھا آپ کو بھی کھانسی ہو رہی ہے۔
