گنجے (حاشیے) | عامر راہداری

پہلے وقتوں میں گنجے آدمی کے لئے ایک مثال تهی کہ خدا گنجے کو ناخن نہ دے لیکن اب پتا نہیں کیا تبدیلی آئی ہے کہ لوگ کہنے لگے ہیں خدا گنجے کو حکومت نہ دے۔۔۔
 خیر یہ تو شاید سیاسی کہاوت ہوگی لیکن حقیقت میں دیکها جائے تو گنجے آدمی حکومت کا نقصان کرتے ہیں نقصان یہ کہ اپنے بال لگوا کر جوان لگنے لگتے ہیں اور عوام ان کو جوان دیکھ دیکھ کر بوڑهی ہونے لگتی ہے۔۔!!
 گنجے دو قسم کے ہوتے ہیں ایک موروثی گنجے اور دوسرا مصنوعی گنجے، آخرالذکر تقریبا شادی شدہ ہوتے ہیں۔۔۔
ایک تحقیق کے مطابق گنجے آدمی کی قسمت بہت اچهی ہوتی ہے اور دنیا کے 95 فیصد امیر افراد گنجے ہی ہیں، لیکن ہماری تحقیق کے مطابق گنجے آدمی کی قسمت اس حوالے سے اچهی ہوتی ہے کہ بیوی اس کو بالوں سے پکڑ کر نہیں مار سکتی۔