الیکشن کمیشن کی جانب سے جاری کردہ نتائج کے مطابق ملک کا ایک ایسا حلقہ بھی ہے جہاں صرف ایک فیصد سے کچھ زیادہ افراد نے ہی ووٹ کاسٹ کیا۔ بلوچستان کے چاغی، نوشکی اور کھاران کے علاقوں پر مشتمل قومی اسمبلی کے حلقے این اے 268 میں رجسٹرڈ ووٹرز میں سے صرف 1.76 فیصد ووٹرز نے ہی اپنا حق رائے دہی استعمال کیا۔
اس حلقے سے کامیاب ہونے والا امیدوار صرف اور صرف 1210 ووٹ لے کر کامیاب ہوا ہے۔اس حلقے سے متحدہ مجلس عمل (ایم ایم اے) کے امیدوار محمد عثمان بادینی 121ہ ووٹ لے کر کامیاب ہوئے ہیں۔الیکشن کمیشن کے مطابق اس حلقے میں 2 لاکھ 34 ہزار 291 ووٹرز رجسٹرڈ ہیں، جن میں سے صرف 4 ہزار 127 افراد نے ووٹ کاسٹ کیا، جن میں سے بھی 154 ووٹوں کو مختلف وجوہات کی بناءپر رد کردیا گیا۔
اس حلقے میں ووٹرز کا ٹرن آؤٹ 1.76 فیصد رہا، جو اب تک سامنے آنے والے تمام حلقوں میں سب سے کم ٹرن آؤٹ ہے۔اس حلقے مجموعی طور پر 22 امیدوار میدان میں اترے تھے، جن میں ایک بھی خاتون نہیں تھی۔اس حلقے سے انتخاب لڑنے والے امیدواروں میں دوسرے نمبر پر بلوچستان نیشنل پارٹی (بی این پی) کے محمد ہاشم رہے جنہوں نے 1137 ووٹ حاصل کیے۔محمد ہاشم محض 73 ووٹوں سے ہار گئے۔
