حسین ع کا ہے پسر اور حسن ع کی زینت ہے
جبینِ زینِ عبا ع پنجتن کی زینت ہے
اے دوست کھل کے عزا خانے کی زمین پہ بیٹھ
یہ خاک ،خاک نہیں پیرھن کی زینت ہے
چراغ بن کے ہے روشن لحد سے تا بہ جناں
وہ ایک اشک جو فرشِ محن کی زینت ہے
یہ سوچ کے تم اٹھانا حسین ع کا پرچم
تمھارے ہاتھ میں شہ ع کے وطن کی زینت ہے
اندھیری قبر کی دم ساز بھی اجالا بھی
ذرا سے خاک ہے لیکن کفن کی زینت ہے
مہک رہا ہے گلابوں میں غیر رنگ کا پھول
بہارِ جون ع سے سارے چمن کی زینت ہے
جہ و جلال کے اس معرکے کے بعد لکھو
تبسمِ رخِ بے شیر ع رن کی زینت ہے
اس ایک خیمے کو اکبر ہزار سجدے مرے
وہ سبز خیمہءِ زینب س جو بن کی زینت ہے شاعر حسنین اکبر
